اشدعوه واشغیرک قولی لی  یا اخلاص

حتی الورد یوم یضبل و للعطر اخلاص

و شرط المحبه  وفه  بل عهد واخلاص

مو بس کلام  اقول احبک  وهای هیه

   الیوم العصر الاسمر کلمنی و عایدنی 

   ایگول الی بعد  السفر راجع وعایدنی 

 تدری گلبی من لحم مش عای .. دنی

اضنک واسمع کل دگه اتصيح بسمک

تعال احضنی آخر مره وبعده انسانی

کنت اجمل مخلوق ابحیاتی و انسانی

لاتنسه  کنت الک محبوب و انسانی

الک جرح بلگلب للابد ما یدیب لیه

نضرتنی بحساس وافکارهه رایحه بعیده

تقول لیش الانسان یکون الوحده و بعیده

هل المحبوب یرجع ایامی الحلوه وبعیده

ونگضی حیاتنه ابسعاده بس انا اویاه

اشمحله من  تنادی علیه و تصیح بسمای

وجودک مالک فرحتی و ضحکت بسمای

انته البدرالی یضوی فقط  یا حلو بسمای

اضل ظلمه ولا ارید غیرک یضوی علیه  

هم یخلص هوا الشرجی  ویصیرشمالی

لا واحد من الاحباب علیه نشد و شمالی

من شفت ازهور اذکر تره حبنه وشمالی

 وانا منساك و اذکرک کل صبح ومسیه

انا کل وکت اسئل علیکم وا ناشد

جروح جدیده بگلبی اخیط و اناشد 

مره اونن ومره اکتب شعر و اناشد

علی بختی الغبر  الیخون بیه